Maksimaal volgens potentiaal #2 – skakel die ligte aan

“Hoe weet ek wat ek die beste kan doen? Soms voel ek só middelmatig. Tog weet ek ek het baie meer om te gee.”

Laaskeer is vertel van die man wat vir die eerste keer in sy lewe ’n voertuig besit. Niemand het hom egter vertel hoe om die handrem los te maak nie – dus ry hy met moeite teen sowat 20 km per uur. Hy weet ook nie hoe die ligte werk nie. Daarom bestuur hy maar die voertuig net in die dag. En so hou hy aan … bedags teen maksimum 20 km per uur, salig onbewus van al die moontlikhede en funksies daarvan – die ligte, motorradio, lugversorging, ruitveërs ens.
Continue reading Maksimaal volgens potentiaal #2 – skakel die ligte aan

Share

Maksimaal volgens potensiaal #1 – Maak los die handrem!

“Ek sit vas, ek kom nêrens nie…” – so sê baie mense wat magteloos in hulle situasie vasgevang voel.

Die storie word vertel van ’n man in ’n derde wêreld land, waar karre amper skaarser as hoendertande is. Tot nou toe moes hy stap, perdry, of bus en donkie-kar ry. ’n Weldoener wat waardering het vir sy mooi werk in dié land skenk aan hom ’n kar om hom te help. Hulle wys vir hom hoe om dit aan te skakel, petrol te trap en die stuurwiel te gebruik. Niemand vertel hom egter hoe om die handrem los te maak nie – dus ry hy met moeite teen sowat 20 km per uur. Hy weet ook nie hoe die ligte werk nie. Daarom bestuur hy maar die voertuig net in die dag. En so hou hy aan … bedags teen maksimum 20 km per uur, salig onbewus van al die moontlikhede en funksies daarvan – die karradio, lugversorging, windveërs ens.
Continue reading Maksimaal volgens potensiaal #1 – Maak los die handrem!

Share

Hoe lewe ek uit God se genade?

Na ‘n tyd van worsteling met my innerlike onvergenoegdheid en gebrokenheid in my en ander Christene se verhoudinge het ek die volgende vertrekpunte of beginsels opnuut ontdek. Ek was met tye van my lewe volkome in die linkerkolom en is steeds meer daartoe geneig. Deur die Here se genade ontdek ek al meer die praktyk van die regterkolom – met heerlike gevolge . Toets jouself waar jyself staan.
Continue reading Hoe lewe ek uit God se genade?

Share

Die tien gebooie – tien beginsels

1. God is nommer een. Die Here is die enigste God – ek duld geen ander gode in my lewe nie.

2. Suiwer aanbidding. Dien Hom reg sonder afbeeldings, mensgemaakte rituele, wettisisme – ek kies om Hom in Gees en waarheid te aanbid en te dien (Joh 4), ‘n lewende verhouding met die lewende God in Jesus en onder leiding van die Gees.

3. Die Here se Naam. Sy Naam is heilig en as Christen (Christ-en) dra ek sy Naam – ek wil so lewe en praat, dat ek alles in sy Naam doen en sy Naam eer. Ek is ambassadeur van die koninkryk.

4. Die ritme tussen werk en rus. Werk voluit en rus genoeg op die regte manier. Daarmee saam: gereelde spesiale tye met God in sy teenwoordigheid. Sover moontlik saam met Hom spesiale tyd elke oggend, huisgodsdiens saam met jou gesin, Sondae erediens.

5. Gesag en orde. Respekteer die gesag wat die Here aangestel het, of dit ouers, leiers of base is. Lewe ordelik en met selfdissipline.

6. Lewe. Respekteer jou eie en ander se lewens – ook in die manier waarop jy bestuur, praat, eet en optree. Lewe in liefde en omgee vir ander. Bely en breek met haat, bitterheid, woede en agressie.

7. Huwelik, seks, reinheid. Wees getrou aan jou vrou en bou jou huwelik. Hou jou gedagtes skoon en vermy pornografie in enige vorm. Los ander vrouens uit – ook in jou gedagtes.

8. Besittings. Moenie vat wat jou nie toekom nie. Respekteer en beskerm ander se besittings, bestuur jou eie geld reg en goed. Wees dankbaar en tevrede met wat jy het. Moenie toegee aan mammon (geldgod) nie.

9. Die waarheid. Bly in liefde by die waarheid (Ef 4:15) sonder om dit te verdraai en sonder om onnodig seer te maak. Vermy skinderstories. Toets die waarheid. Onthou die duiwel is die “vader van die leuen”. Die waarheid in liefde maak vry.

10. Begeertes. Begeertes (passie) is goed, maar moenie ‘n ander ou se goed wil hê nie. Wees dankbaar en tevrede. Hou jou hart skoon, want dit bepaal jou hele lewe (Spr 4:23).

Share